Hederlez ayın 9-da (9 May), Moldovada iki yortu birdän bakılêr: II-ci dünnä cengindä Enseyiş Günü hem da Evropa Günü.
Büün, Hederlez ayın 9-da (9 May), Moldovada iki yortu birdän bakılêr: II-ci dünnä cengindä Enseyiş Günü hem da Evropa Günü, bakmadaan ona, ani Evropada “Evropa Günü”nü Hederlez ayın 8-dä bakêrlar, Moldova karar aldı, Evropadan üst olup, bu günü Hederlez ayın 9-da bakmaa.
Bu saatta Moldova Prezidentı Maya SANDU hem Moldova Parlamentın spikerı İgor GROSU, II-ci dünnä cengindä ölän askelerini anmak için, Kişinev “Sonsuzluk” (“Eternitate”) Memorial Kompleksına çiçek koydular, bildirer “Moldpres” agenstvosu.
Gagauziya sa savaşêr pek tantanalı sade II-ci dünnä cengindä Enseyiş Gününü bakmaa. Bundan kaarä, Gagauziya Başkankası Evgeniya GUȚUL da Moskvadakı “Bilinmeyan soldatın mezarına” venok koydu hem burada yanan “Sonsuz ateştän” ateş aldı, ki o ateşi Gagauziyaya getirmää. Taa sora da o “Enseyiş paradına” buyur edildi, bildirer Rusiyanın “RİA Novosti” agenstvosu.
Moldovadakı “Evropa Günü”n kutlaması başlayacek saat 12:00 Kiçinevun Merkez meydanında.
Nicä da olsa, istoriyayı unutmamaa deyni, Enseyiş Gününü kutlayannara baaşlêêrız bu videoklipı: https://www.youtube.com/watch?v=WV9JJg9BMto
