Ceviz ayın (sentäbdri) 14-dä Komrat Kultura evindä Gagauziyada seftä geçecek “GERMEK OYUNU” Milli Horeografiya Festivali: angısında pay alaceklar Moldova Respublikasının hem Gagauziyanın en islää ansamblileri hem muzıkaylan oyun toplulukları.
Gagauziya kultura Upravleniyasının tarafından hazırlanan hem Gagauziyanın “Düz Ava” gagauz türkü hem oyun ansamblisinin horeografın hem baletmeysterın Konstantin Afanasieviç GERMEKin (15.09.1952 – 02.04.2022) duuma gününä adanmış “GERMEK OYUNU” Milli Horeografiya Festivalindä şțenaya çıkmalarında beklenerlär: Gagauziyanın Semön POMETKO adına “Düz Ava” türkü hem oyun halk ansamblisi; “Baştina”, Brâuleț”, “Altın çöşmä”, “Kadınca”, “La İzvor”, “”Karanfil”, “Yıldızlar” halk oyunnarı ansamblileri; “Lale” halk oyunnarı toluluu; “Düz Ava” oyun uşak studiyası.
Festival saat 15:00-tä başlêêr.
