Bu yıl Ceviz ayın 27 – Canavar ayın 2 günnerindä Tbilisidä (Gruziya) geçti karma asker düüşü zanaatları “2025 IMMAF dünnä çempionatı” (2025 IMMAF World Championships), neredä Moldova komandasında olarak, pay aldılar Gagauziyadan da asker düüşü sportsmennar.
Sevindirici o, ani ozaman, açan IMMAF (International Mixed Martial Arts Federation) kendi istoriyasında çempion titullarını sadecä ikincilää ofițial olarak verer, Gagauziyadan sportsmen hem Komrat “Lion Comrat” kickboxing Klubun karma asker düüşçüsü Andrey AVRAMOV kendi kategoriyasında “2025 IMMAF dünnä çempionatı”nda 1-ci oldu hem, ofițial olarak, IMMAF çempion titulunu kabletti.
Kendi trenerı Eduard KÖSÄnin yardımınnan yıllar boyunca bu çempionatlaa gidän Andrey AVRAMOV, çempionatta sıravardı Gruziya, Ukrayna, Bulgariya, Uels hem Azerbaycan sportsmennarını ensedi.
