2025-ci yılın Ceviz ayın (sentäbri) 23-dä Çadır kasabasının “Birleşik kultura Merkezi”ndä yapıldı “Gezici “Oyuncak” kukla teatrusunun kurulması” proektın başarılmasının kapanış sırası.
Maasuz bu proekt için 4 kukla pyesası hazırladı dramaturg Todur ZANET. Onnar: “Rız otu”, “Fet-Frumos hem padişahın kızı”, “Kvak-kvak, dolayda batak” hem “Oguzlar – dedelerimizdir”. Proektın kapanış sırasında gösterildi bu teatrunun hazırladıı “Fet-Frumos hem padişahın kızı” spektaklisi.
Kapanış sırasının başında bu proektlan ilgili sonuçları açıkladı proektın öndercisi İrina MİHALCİUC. Sora “Oyuncak” kukla teatrusu gösterdi Fet-Frumos hem padişahın kızı” spektaklisini.
Spektaklidän sora söz verildi dramaturg Todur ZANETä, angısı şükür etti hepsi artistlerä hem onnara, kim bu proektın aslıya çıkarılmasına zaametlerini koydular hem arka oldular.
“Gezici “Oyuncak” kukla teatrusunun kurulması” proektın üzä çıkarılmasında “Mirkiras” Cümne Asoțiațiyasına, Çadır primariyasınnan iş birliindä, Moldovada işbirliindä Şveyțariya bürosu (Swiss Cooperation in Moldova) da arka oldu.
