Hederlez ayın (may) 25-dän Kirez ayın (iyün) 1-dän İstanbulda geçti 25-ci “Türk dünyası Çocuk şöleni”, angısında 14 memlekettän 250 katılımcıyı bireri getirdi.
Azerbaycan, Kazahstan, Tatarstan (RF) gibi erlerdän olan katılımcıların arasında, bu Şölenä, Gagauziya kultura Upravleniyasının başı Marina SEMÖNOVA başkannıında, Gagauziyanın Kongaz küüyü “Altın “Çöşmä” ansamblisi dä (ansamblinin horeografı hem baletmeysterı Viktor GRADİNAR) katıldı.
25-ci “Türk dünyası Çocuk şöleni”n açılışında, milli rubalara giimni artistlär İstanbulun Kadıköy meydanına kadar bir örüyüş yaptılar hem burada becerikliklerini gösterdilär. “Altın “Çöşmä” ansamblisi burada “Çekirge” oyununu gösterdilär.
Sora, başka bir lokațiyada, “Altın “Çöşmä” ansamblisinin vokalistkası Vakeleriya GARGALIK çaldı türküyü “Gagauziya”.
İstanbulda yapılan “Türk dünyası Çocuk şöleni” sıralarının temel uuru – türk dünnäsından uşaklar arasında dostluk ilişkilerini hem birleşmäk baalarını kurmak.
