Canavar ayın (oktäbri) 19-da, “Aaçlık kurbannarını Anmak Günü” çerçevesindä, Kongaz Todur Zanet adına teoretik lițeyin üüredicileri hem üürencileri 1946-1947 yıllarda gagauzlara karşı zorlan yapılan aaçlık genoțidın kurbannarını andılar.
Todur Zanet adına teoretik lițeyin “İstoriya sedefleri” hem “Muzeycilär” krujoklarını götürän üürediciykalar Praskofya Dimitrievna DOYKOVA, Matröna Nikolaevna BARGAN, Agafya Vasilyevna GAYDARCI hem bu krujoklara gidän 7-ci “A” hem “B” klaslarından üürencilär, aaçlık kurbannarını anmaa hem onnara saygı göstermää deyni, Kongaz mezarlıına gittilär.
Bu insannar baş iilttilär aaçlıktan ölän kongazlılara, onnarın otrak mezarına çiçek koydular hem burada mum yaktılar.
