Büün, Canavar ayın (oktäbri) 21-dä, kendi duuma gününü kutêêr Gagauziyanın Kultura upravleniyasının Başı Marina Semönovna SEMÖNOVA, angısı kendi ömürünü baaşladı gagauz kulturasının incelemesinä, korumasına hem ilerlemesinä.
Marina Semönovna SEMÖNOVA, sän o insansın, ani halizdän erindä bulunêrsın hem bütün kuvedini koyêrsın kulturamıza zaametlerinä, onun üüsek uurlara kaldırılmasına hem bütün dünnedä tanınmasına. Senin bu ürek socaklıınnan zaametlerin dolayında bulunan insannara deyni büük bir örnek hem can sıcaklıı.
Bütün ürektän kutlêêrım Canabini bu gözäl günnän. Saalık hem uzun ömür sana hem yakınnarına! Bir da baaşış bendän:
ONDA VAR BÜÜK BİR ANALIK
Marina SEMÖNOVAya
İnsannıına şaşêr insan,
Bukdaradan da olmaz, aman!
Gülär üzlü, kırnak hem pak,
Sıra geldiinän – sert hem yımışak!
Anasından kopma yalpak uşak.
Onda var büük bir analık,
Aylesinä o pek yanık.
İş başında o tetiktä,
Bulêr keyfi dinnenmektä.
Çay, kofe sütlän içmektä.
Gezer şakaylan cebindä,
Herbir lafı da erindä.
Maana bulmaa o bilmeer hiç –
Ana tüüyä girmiş piliç.
Hadi kaldır, buyur hem iç!
İnsannıına şaşêr insan,
Bukadaradan da olmaz, aman!
O bakışın derin, büülü,
Buna şaşêr küçüü, büüyü!
Duuma eri – Çeşmäküüyü!
Saygılarımnan, Todur ZANET
