Geçän aftanın sounuda Moldovada etnofestivallär yaamuru yaadı: Ceviz ayın 19-da – Belț kasabasında: “Unitatea prin diversitate”, 20-dä – Taraklı kasabasında: “ETNO FEST – unitatea prin diversitate”, 21-dä – Kişinev kasabasında: “Unitatea de diversitate”.
Sıradan alarsak, lääzım urgulamaa, ani Gagauziya kultura Upravleniyasının zaametinnän gagauz milletin (diil etnosun!!!) kultura insannarı hem ansamblileri bu etnofestivallerä katıldılar.
Belțtaki XXI-ci “Çeşitliktän birleşmäk” Etnofestivalinä katıladılar “Düz Ava” gagauz türkü hem halk oyunnarı ansamblisi solistları hem “Düz Ava” uşak halk oyunnarı studiyasının artistleri.
Taraklıda XXIV-cü “ETNO FEST – çeşitliktän birleşmäk” Etnofestivalindä pay aldılar ansamblilär Çadırdan, Komrattan, Kongazdan hem Valkaneştän.
Kişinevda XXIV-cü “Unitatea de diversitate” Etnofestivalindä pay aldılar burada yaşayan gagauzlar.
