2025-ci yılın Ceviz ayın (sentäbri) 5-7 günneri arasında, Romıniyanın Konstanța județen Tekirgöl kasabasında geçti Tatar türklerin “X-cu Halklararası kultura arası KURULTAY – 2025” angısını, UNESCO Romınya Milli Komisiyası hem Romıniya kultura Ministerlii kanadı altında, ortak hazırladılar Tekirgöl kasabasının primariyası hem “Romıniya Türk-Musulman Tatarların Demokrat Birlii”.
Tatar türklerin Romıniyanın Dobrucasında “X-cu Halklararası kultura arası KURULTAY – 2025” sırası üç bölümdän oluştu: “World Cup” sport yarışmaları (güreş, ok atışı, at yarışı h.b.), Halklararası konțert hem Milli imeklär sergisi.
Bütün bu sıralara 20-dän zeedä memlekettän 150 kultura insanı hem 250 sportsmen. Artistlerin arasında vardılar Bulgariya, Krım, Romıniya, Uzbekistan hem Gagauziyadan artistlär.
Gagauziyayı bu gözäl sırada temsil ettilär Kıpçak küüyün Kultura evin artistleri hem vokalistleri. Bu insannarın zaametinnän oldu kolayı gagauzları hem gagauz kulturasını taa bir kerä görsünnär hem işitsinnär aşırıda da.
