Hederlez ayın (may) 15-dä Çeşmä küüyündä zavalı “afganțılara” bir anmak taşı açıldı, angısının koyulması için çalıştılar bu küüyün afgan-askerleri.
Anmak taşın açılmasına o günü Çeşmä küüyünä geldilär Gagauziyadan hem Moldovadan “afganțılar” hem başka musaafirlär.
Nicä bildirdi Çeşmä küüyün primarı Sofya JEKOVA, anmak taşın kurulması ortak çalışmalarlan yapıldı hem o kuruldu zorlan unutturulan cenk hem gagauz oollarının o cengtä kahramanıı unudulmasın deyni.
Anmak taşın açılmasından sora ona çiçek koyuldu hem küüyün Kultura evindä bu olaylan igili bir konțert yapıldı.
Foto: cesma.md
