avariya_hepsi

30.10.2017, tarafından yazılı , CÜMNE BÖLÜMÜ, 26 KERÄ BAKILMIŞ

Kara bela: avariyada 3 ölü, 1 aar yaralı, 1 da yaralı

Canavar ayın 28-dä, gecä saat 01:10-da, Çadır kasabasının Valä Perjey küüyün tarafına gidän yolda büük bir avariya oldu: iki maşina baş-başa uruldular da bu urulmaktan erindä 3 kişi can verdi: İgor GOLİŞ (solda, 19 yaşında), Artöm PAVLOV (ortada, 20 yaşında) hem Födor KOJOKAR (saada, 21 yaşında). Dördüncü yaralı İvan VORNİKOV aar durumda Kişinev bolniţasına götürüldü.

Hepsi cannarını kaybedennär hem aar yaralı “Jiguli” maşinasında bulunardılar.

Avariyanın sebepi oldu o, ani bu cocukların maşınasına, kuralları ezip, karşı çıktı başka bir maşina, angısının şöförü Vadim DEREVENKO, may zararsız, avariyadan kurtuldu.

Canavar ayın 30-da Çadır kasabasında yas günü oldu hem bu gündä avariyanın kurbannarıtopraa verildi.

Topracıkları ilin olsun!

avaria_cadir

BİR CUVAP YAZIN