Çiçek ayın (aprel) 28-dä Gagauziya Halk Topluşun (GHT) XXXVI-cı toplantısında (28.04.2020), GHTnın çiftçilik dayma komisiyanın başı Nikolay DRAGAN açıkladı, ani Gagauziyada başımıza tabiat belası yada üstolan durumu geldii zaman, insannarı aaçlıktan hem başka belalardan kurtarmak için korunan 2.000 ton devlet rezerva boodayı kayıp olmuş.
Nikolay DRAGAN dedi, ani “Gagauziyanın rezerva skladları boş. Oralada tabiat belası için korunan 2.000 ton devlet rezerva boodayı vardı, ama şindi skladlar bom-boş”. Bu açıklama ortalıı patlattı.
GHT deputatı İlya UZUNun soruşuna: “Neredä bu ekin?” GHTnın çiftçilik dayma komisiyanın başı cuvap etti, ani o bilmärmiş.
Bu konuyu aaraştıran gagauzyeri.md saytı açıkladı, ani Gagauziya İspolkomunda kaynaa görä, bu ekin skladlarda halizdän yokmuş, çünkü onu kullnmışlar Odesa tarafından (Ukrayna) insannarın önündä borçları kapatmaa deyni (bak: https://gagauzyeri.md/srochnaya-novost-v-gagauzii-ischezlo-2000-tonn-rezervnoj-pshenitsy/).
Çiçek ayın (aprel) 29-da, Gagauziyada başımıza tabiat belası yada üstolan durumu geldii zaman, insannarı aaçlıktan hem başka belalardan kurtarmak için korunan 2.000 ton devlet rezerva boodayı kayıp olmasınnan ilgili olarak, Gagauziya Halk Topluşu deputatı Sergey ÇİMPOEŞ yaptı Gagauziya Başkanına İrina VLAHa “Deputatlık danışması”, neredä Canabisi teklif eder konuylan ilgili detalli informațiya verilsin:
