erdogan_usak_bascası (3)

19.10.2018, tarafından yazılı , CÜMNE BÖLÜMÜ, 97 KERÄ BAKILMIŞ

TİKAdan gagauzlara “Hoca Nastradin” adına modern yatılı uşak başçası

Türkiye Prezidentı Recep Tayyip ERDOĞANın Gagauziyaya vizitı zamanında Komratta açıldı “Hoca Nastradin” adına modern yatılı uşak başçası, angısını düzdü TİKA (Türkiye İşbirlii hem Koordinațiya Agenstvosu) Başkannıı.
erdogan_usak_bascası (6)

“Hoca Nastradin” adına uşak başçasının ofițial açılışı sırasında pay aldılar hem açılış şiridini kestilär Türkiyenin milli üüredicilik Bakanı Ziya SELÇUK, Türkiye Prezidentın Türkiye Pravitelstvosunda sözcüsü İbrahim KALIN, TİKA Başkanı Dr. Serdar ÇAM, YTB (Yurtdışı Türklär hem Soy Topluluklar) Başkanı Abdullah EREN, Gagauziya Başkanın ikinci yardımcısı Olesä TANASOGLU hem da TİKA Balkannar hem Dou Evrupa Daire Başkanı Dr. Mahmut ÇEVİK.
erdogan_usak_bascası (5)

Sora Türkiyedän üüsek musaafirlerin adından uşaklara baaşışlar verildi. Uşaklar da peet annattılar, oyun oynadılar hem kendi adlarından şükür ettilär Türkiye Prezidentı Recep Tayyip ERDOĞANa hem TİKAya bu gözäl uşak başçası için. Açılış şennik sırasında uşaklara geldi kendisi Hoca NASTRADİN da.
erdogan_usak_bascası (1)

TİKA teklifinä görä bu uşak başçasına Hoca Nastradinın adı verildi Komrat munițipiyin Sovetinin kararınnan.

Uşak başçası ilktän 3-7 yaş arasında 72 uşaa yatılı olarak izmet verecek. Bu iş için TİKA tarafından burayı hepsi lääzımnı üüredicilik materialları, mebel, biyaz giisilär, bütün oborudovaniye verildi.
erdogan_usak_bascası (4)

“Hoca Nastradin” adlı yatılı uşak başçası bulunêr Komradın poyraz tarafından girişindä hem kaplêêr 8 bin m² eri. Bunnarın yaklaşık bir bin m² bulunêr uşak başçasının tek katlı binası. Kalan dışardakı erlerdä uşakların oynamak meydannarı hem dinnenmäk erleri erleştirili.

BİR CUVAP YAZIN