RTUK panel

30.05.2016, tarafından yazılı , CÜMNE BÖLÜMÜ, 636 KERÄ BAKILMIŞ

VIII-ci geleceklän haberleşmä seminarı

Hederlez ayın 20-24 günneri arasında Kırgızistanın başkasabası Bişkek hem Kazahstanın Almata kasabalarında yapıldı VIII-ci Kommunikaţiya (geleceklän haberleşmä) seminarı. Bu seminarı her yılın ayırı devletlerdä tertipleer Tükriyenin RTÜK (Türkiye Radyo hem Televizyon Üst Kurulu) kuruluşu.

RTÜK koordinaţiyasında seminara katkıda bulundular Türkiye Respublikasının dışişleri bakannıı, Türkiye Başbakannık basın-yayın hem informaţiya Genel Müdürlüü, TİKA, YTB, TRT AVAZ, TÜRKSOY, Türk Dünnäsı Belediyeler Birlii, Anadolu haber Ajansı, Kazahstan Al-Farabi hem Kırgızistan Türkiye Manas Universitetleri. Anadolu haber Ajansı hazırladı patret sergisini “Göçedennär”.

VIII-ci Kommunikaţiya (geleceklän haberleşmä) seminarı Kırgızistandakı Türkiye Manas Universitetinda geçti. Onun ana temasıydı “Göçedennerin insan hakları boyunu presada elä alınması”. 18 Türkiye çinovniklerindän hem başka musaafilerdän kaarä, seminarda pay aldılar Türk Respublikalarından, türk soylarından hem boylarından Türkiyedeki jurnalistika fakultetlarında üürenän 36 student hem üürenmesini bitirän hem artık medyada işleyän 19 kişi.

Seminiran önemni bir teklifi oldu o, ani bu seminarlan Türkiyedeki jurnalistika fakultetlarında üürenän türk soylarından hem boylarından studentların arasında bilim, akıl hem moral temelindä ortak bir iş birlii hem haberleşmä  proţesini oluşturmaa.

RTÜKün tertipledii seminarda göçedennär konusunun işlendii üç oturum yapıldı. Sora Al-Farabi  Kazahstan Milli Üniversitedinda (KMÜ) ilerleyän seminarda, ana temaya, ek olarak, “Göçedän ana hem uşak olmak”, “Dolay hem istoriya baalantısı” panelleri hem diişik uygulamalarlan atolye çalışmaları yapıldı.

VIII-ci Kommunikaţiya (geleceklän haberleşmä) seminarı  katılanlara deyni Kirgızistanda hem Kazahstanda istoriyalı erlerä, milli parklara gezilär yapıldı, halk türkülerinnän milli oyunnarınlan küçük konţertlär tertiplendi.

İrina IUSIUMBELI

BİR CUVAP YAZIN