2018-ci yılın Canavar ayın (oktäbri) 6-da Komrattan geldi haber, ani 66-cı yaşında öldü gagauz poetı Pötr MOYSE.
Pötr MOYSE, Komratta şkolayı başarıp, üürendi Kişinev incäzanaat İnstitutunda kultrabotnik uurunda. Nedän sora işledi Komrat rayonun kultura upravleniyasında.
Pötr MOYSE literaturamızda derin bir iz braktı diil sade kendi yaratmalarınnan, ama başka poetların yaratmalarını seslendirilmesinnän da.
Onun peetleri tiparlandı ortakliteratura toplumnarda, şkola kiyatlarında, “Ana Sözü” gazetasında hem okundu Gagauziya radio hem televideniyasının efirinda.
İki peet kiyadın avtoru – “Canımım izleri… Следы моей души” hem “Özlä beni”.
Topracıı ilin olsun.
