2011-ci yıldan beeri Baamsız Devletlär Topluluunda (BDT) kuruldu “Topluluun kultura baş kasabaları” programası, angısının çerçevesindä 2023-cü yılda Gagauziyanın baş kasabası Komrat BDTnın kultura baş kasabası olacek.
Bölä karar alındı 2021-ci yılın Canavar ayın (oktäbri) 15-dä Baamsız Devletlär Topluluun devlet Başkannarının Sovetinin toplantısında, angısı onlain rejimında geçti.
BDTda “Topluluun kultura baş kasabaları” programası kuruldu 2010-cu yılın Canavar ayın (oktäbri) 4-dä hem 2012-ci yılın Kırım ayın (dekabri) 5-dä Topluluun devlet Başkannarının Sovetinin tarafından temelä koyuldu.
Baamsız Devletlär Topluluunda “Topluluun kultura baş kasabaları” oldular:
2011 yıl – Gomel (Belorusiya) hem Ulyanovsk (Rusiya);
2012 yıl – Astana (Kazakistan) hem Marı (Türkmenistan);
2013 yıl – Gabala (Azerbaycan) hem Mogilöv (Belorusiya);
2014 yıl – Almatı (Kazakistan) hem Oş (Kırgızistan);
2015 yıl – Voronej (Rusiya) hem Kuläb (Tacikistan);
2016 yıl – Daşoguz (Türkmenistan);
2017 yıl – Gäncä (Azerbaycan);
2018 yıl – Goris (Armeniya);
2019 yıl – Brest (Belorusiya);
2020 yıl – Şımkent (Kazakistan);
2021 yıl – Duşanbe (Tacikistan);
2022 yıl – Karakol (Kırgızistan);
2023 yıl – Komrat (Moldova, Gagauziya).
