Ceviz ayın (sentäbri) 1-dä Moldovada 2025-2026 üüredicik yılı başladı. Moldova Respublikasının üüredicilik hem aaraştırma ministerlii açıkladı, ani bu üüredicik yılın içindä 36 günnük kanikullar plana koyuldu. Onnar güz, kış, ilkyaz hem paska zamanı olacek.
Moldova Respublikasının üüredicilik hem aaraştırma ministerlii açıklamasına görä: güz kanikulları 2025 yılın Canavar ayın (oktäbri) 27-si Kasım ayın 2-si günneri arası, kış kanikulları 2025 yılın Kırım ayın (dekabri) 25-şi 2026 yılın Büük ayın 8-zi günneri arası, ilkyaz kanikulları 2026 yılın Baba Marta ayın 5-8 günneri arası, Paska kanikulları 2026 yılın Çiçek ayın (aprel) 11-20 günneri arası olacek.
Bundan kaarä, Gagauziya gimnaziyaların hem lițeylerin üürencilerindä taa iki yortulu gün olacek: Küçük ayın (fevral) 2-si – Halk birlii Günü, hem Hederlez ayın (may) 6-sı – Hederlez yortusu.
PATRETLÄR: Kongaz “Todur Zanet” lițeyindä Ceviz ayın (sentäbri) 1-ri.
