Kırım ayın (dekabri) 26-da Gaguziya (Gagauz Yeri) Avtonom-teritorial Bölgesinin (ATB) Prokuraturasının kurulmasının 25-ci yıldonümü bakılêr. Bir şüpesiz, ani Gaguziya Prokuraturasının peydalanmasına hak bazası oldu 23.12.1994 günü Moldova Parlamentın tarafından kabledilän “Gagauziya (Gagauz Yeri) ayırı yuridik statusu için” Zakonu temel kuran norma aktı.
Ama genä da, Gaguziya (Gagauz Yeri) Prokuraturasının kurulma günü sayılêr Kırım ayın (dekabri) 26-sı, zerä o zaman Moldova Parlamentı kabletti № 700-XII Kararı, angısına görä Moldova Respublikasının içinä alındı Gaguziya Prokuraturası!
25 yıl Zakonun korumasında!
Asirin bir çiireendä Gaguziya Prokuraturası gösterdi diil salt kendisinin önemniliini hem var olmasının lääzımnıını, ama Avtonomiyada hem Respublikada kıymetli saygılıı da kazandı.
Bütün ürektän kutlêêrım bu önemni günnän Gaguziya Prokuraturasının büünkü kolektivını, onun ilk Baş prokurorunu hem Moldovanın şindiki Baş Prokurorunu Aleksandr Dimitrieviç STOYANOGLUyu, Gagauziyanın 2001-2012 yıllarında Baş Prokurorunu Georgiy Georgiyeviç LEYÇUyu hem hepsini, kim ömürlerinin belli zamannarında Gaguziya ATBsinin Prokuraturasında zaamet etti.
Hepsinä saalık dileerim, zanaat ustalıında üüseklerä varmaa, Gaguziya ATBsinin Prokuraturasının kolektivına da – Gaguziya (Gagauz Yeri) Avtonom-teritorial Bölgesinin (ATB) teritoriyasında zakonnuun var olmasında çalışmada birleşmäk hem başarılı olmak.
Ruslan KARAİVAN, Gaguziya ATBsinin Prokuraturasının Baş prokuror yardımcısı, Komrat Bölümü öndercisi, Moldovanın Çimişli rayonun Prokuraturasının geçici Baş prokuroru
Anaktar sözlär : Aleksandr STOYANOGLO, Gagauziya, Georgiy LEYÇU, Prokuratura, Ruslan KARAİVAN
