2023-cü yılın Çiçek ayın 25-dä Ankarada saygı gösterdilär hem “T.C. Üstün Fedakârlık medalisi”nän “T.C. Üstün Fedakârlık nışanı” verdilär kurtarıcı insannara, ani bu yıl Küçük ayın (fevral) 6-da Türkiyenin Kahramanmaraş bölgesindä merkezi olan er tepremesinin ardına, burayı gelip, aarama-kurtarma işlerindä pay aldılar.
Türkiyenin Üstolan Durumnarı Upravleniyası (AFAD) tarafından Ankara Prezident Kompleksında hazırlanan hem düzennenän bu sıraya buyur edildi Moldova Respublikasının kurtarıcıları komandasının komandiri podpolkovnik Aleksandr TATAROV da.
Türkiye Respublikası Prezidentı Recep Tayyip ERDOĞAN ödülledi kurtarıcıları “T.C. Üstün Fedakârlık medalisi” hem “T.C. Üstün Fedakârlık nışanı” medalilerinän, angılarını Moldova kurtarıcıları komandasının adına kabletti podpolkovnik Aleksandr TATAROV da.
Eridir urgulamaa, ani Moldovanın 50 kişidän oluşan kurtarıcıları komandası, pek hızlı toplanıp, Küçük ayın 7-dä Türkiyenin Hatay bölgesinä yollandı, neredä yıkıklar altından becerdi kurtarmaa 3 yaşında bir uşaa. Bundan kaarä tepremektän zarar görän 220-dän zeedä evi tarayıp, orada 18 ölü buldu, bildirer Moldova içişleri ministerlii.
Patretlär: MİM saytından.
