Çiçek ayın 21-dä Katolik dünnääsı hristiannarın en büük yortusunu Pakelleyi bakardı. Ama bu aydın yortuya büük kahır uuradı – Şri-Lanka Respublikasının kliselerindä hem otellerindä 8 terakt yapıldı.
Bu saatta belli, ani teraktlara 300 can kurban oldu, 500 kişidän zeedä dä yaralı var. Ölennerin arasında var yabancı devletlerdän insannar da – ABD (Amerika Birleşik Devletleri), Büük Britaniya (Angliya), Golandiya, İndiya, Kitay hem Türkiye vatandaşları.
Kim yaptı bu canavarlıı taa belli diil, ama Şri-Lankadan gelän haberlerä görä kendisini patladan teroristlerin birisi “İslam devleti” kuruluşundanmış.
