Harman ayın (avgust) 14-dä Gagauziya Halk Topluşu üstolan toplasında sadecä bir soruş inceledi – Kurak beterinä Gagauziyada çiftçi fermerların durumu hem onnara yardım konusu.
Uzun vakıt konuyu dartışmaktan sora, GHT aldı karar yardım için danışmaa Moldova Parlamentına hem Pravitelstvosuna.
Danışmada, para yardımından kaarä, teklif ediler Gagauziyada kuraktan üstolan zarar durumunu tanımaa, çiftçilerin vergilerini bir yıla ertilemää, penileri hem ştrafları durgutmaa hem taa başka.
Toplantıda çiftçilär teklif ettilär onnara rezerva fondundan tohum için ödünç booday verilsin da gelecektä onnar o borcu geeri çevirsinnär.
