Gagauziya büük bir yortuya hazırlanêr – Türkiye Respublikasının Gagauziya Komrat Başkonsulıuun ofițial açılmasına. Bu iş Harman aynı son günnerindä olacek.
TC Konsullun binasının başarılması hem ofițial açılışınnan ilgili soruşları geçennerdä inceledilär Türkiye Kişinev Büükelçisi Gürol SÖKMENSÜER hem Gagauziya Başkanını İrina VLAH (bak: http://anasozu.com/buukelci-gurol-sokmensuer-gagauziya-baskanini-kabletti/).
Umut var, ani TC Konsulluun ofițial açılışını yapacek Türkiye Respublikasının Dışişleri Ministrusu Mevlüt ÇAVUŞOĞLU, angısının vizitı o günnerdä Moldovaya hem Gagauziyaya beklener.
Gagauziya Komrat Başkonsulu diplomat Hasan AKDOĞAN oldu. Canabisi kendi diplomatlık yolunu Kişinev TC Başkonsulluundan başladı. 2010-2015 yıllarında TC Bukureş Büükelçiliin musteşarı oldu. 2017-ci yıldan beeri işledi Türkiye Respublikasının Konstanța Başkonsulun yardımcısı olarak. 2020-ci yılın Baba Marta ayın 16-da Gagauziyanın başkasabasına Komrata TC Başkonsul olarak atandı.
