Gagauziya Cümne saalıı Merkezin direktoru İvan HASTA bildirdi, ani Kişinevdan kabledilän AstraZeneca vakținalarını Gagauziya geeri çevirdi.
Canabisi dedi, ani bu çevirmenin sebepi – Gagauziya insannarının hem medițina zaametçilerinin AstraZeneca vakținadan şüpeli oldukları da, bu üzerä, onu kendilerinä urdurmamaları.
İvan HASTA açıkladı, ani bu iki ayın içindä, nicä AstraZeneca vakținası Gagauziyaya etişti, onu urdurdu sade 50 kişi – kalanı istämeerlär.
Canabisi söledi, ani, esaba alarak vakținanın 31.05.2021 gününä kadar geçerli olduun, Gagauziya Cümne saalıı Merkezi hepsi vakținaları Moldova Saalık ministerliinä çevirdi da onnar artık Moldovanın başka erlerinä paylaştırıldı.
Aklınıza getireriz, ani şvețiya-angliyalı AstraZeneca vakținasını yapannar onun adını Vaxzervia adına diiştirdilär, ama bu iş da insanı aldadamadı.
