11.07.2021 günündä Moldovada olan Parlamenta erken seçimnerindä Gagauziyadan 130 292 seçimcidän 46 616 kişi katıldı, ne yapêr 36,8% bütün sayıdan. Moldovaya görä, neredä seçimnerdä pay alannarın sayısı 48,41%, – bu en düşük katılmak.
Herliim bakarsak Gagauziyada oylar nicä bölündü, göreriz, ani burası seçimcilär genä soțialistlerin hem komunistlerin yalannarını inandılar hem o yalannarın karannıı altında kaldırar. Bu iki partiyanın “MRSP+MRKP” (soțialistlär + komunistlär) elektoral bloku için Gagauziyada 80,75% oy verildi (38451 oy).
Kalan oylar Gagauziyada bölä payedildi:
“Renato Usatıy” elektoral bloku için – 4,86% (2314 oy);
PAS (“Çalışmak hem Birlik” partiyası) – 4,14% (1970 oy);
“ŞOR” partiyası – 3,15% (1500 oy);
“Cümne kongresi” partiyası – 2,74% (1305 oy);
“Moldovayı birleştirmä hem ilerletmä” partiyası – 1,47% (698 oy);
Seçimnerä katılan kalan partiyalara hem bir baamsız kandidatına herkezinä bir proțenttän az oy verildi.
