Karıların gününä karşı, Baba Marta ayın 5-dä, Gagauziyanın Pötr DRAGANOV adına Merkez bibliotekasında, Gagauziya bibliotekacılarına deyni, yapıldı bir seminar – “Bibliotekacıların ustalıı çalışmasına yardımcı olan țifralı okumak-yazmak”.
“Bibliotekacıların ustalıı çalışmasına yardımcı olan țifralı okumak-yazmak” seminarında bibleotekacılara annadıldı büünkü țiafra tehnologiyaların kolaylıkları hem internet kaynaklarının taa derindän kullanmasıda bilgi verildi.
Bu toplantıda bakıldı Gagauziya bibliotekaların 2023-cü yılda zaametleri hem o zaametlerin denkleştirmesi yapıldı. Esaba getirildi erindeki “Ana tarafında canım öteer” aaraştırma proektın yaşamaya geçirilmesi.
Seminarın sonunda, maasuz bibliotekacıykalara deyni, gösterildi bir kutlama konțertı – “Canabi karılar”.
Gagauziya bibliotekacıykalarını “Karılar günü”nnän kutladılar Pötr DRAGANOV adına Merkez bibliotekasının direktoru Marina NEDÄLKOVA, Gagauziya kultura Upravleniyasının başı Marina SEMENOVA, Akademik, yazıcı, poet Todur ZANET, türkücü İvan JELEZNIY, Komrat Uşak muzıka şkolasının üürencileri hem üüredicileri.
