Sovet vakıdın 60-cı yıllarında yapılan Valkaneş Kultura evinä enidän büük bir enilenmä yapılêr, çünkü, 2009-cu yılda burada yapılan son kapital remonttan sora, bitki vakıtlar genä o heptän dökülmää başladıydı.
Valkaneş Kultura evin enilenmesi için, onu taa duvarlaradan söktülär hem kazıdılar da şindi bütün remontlanlan hepsi iç hem dış işlär yapılacek hem odalar enilenecek: kabinetlär, soyunma odaları hem 800 kişilik aktovıy zal enidän tertiplenecek, pençerä-kapu diişecek, eni ventiläțiya sisteması kurulacek, duvarlar suanacek hem gipsokartonnan kaplanacek, duvarlara yısıtma kaplaması yapılacek. Bundan kaarä Kultura evin fasadı enilenecek, dış şafklandırma işleri yapılacek, evin dolayanı donaklanacek.
Bütün bu kapital remont için 14 milion ley verildi. Onnarın 1,5 milionunu, kontribuțiya olarak, Gagauziya bücetından ayırıldı. Kalanı Regional ilerlemesi Agenstvosu tarafından verildi.
