Baba Marta ayın 25-dä Gagauziya Başkankasının Evgeniyä GUȚULun Moldova kuvetleri tarafından Kişinev aeroportunda tutuklanmasınnan ilgili olarak, Gagauziya İspolkomu Gagauziya Halk Topluşuna bir danışma yaptı.
Esaba alarak, ani Gagauziya Başkankasının Evgeniyä GUȚULun Moldova kuvetleri tarafından Kişinev aeroportunda tutuklanması bu avtonomiya üstünä bir eşi olmayan baskı adımı, angısının keezi avtonomiyanın demokratiya temelini, tarafımızın zakonnu haklarını hem etkiliklerini sökmää, Gagauziya İspolkomu:
– avtonomiyanın seçilmiş öndercilerinä karşı uygulanan politika baskıyı ayıp bulêr;
– buyur eder merkez kuvetlerinä halkın tarafından demokratiyalı seçimnerindä gösterilän ayırmaya saygı göstermää;
– Başkanın hemen serbest brakılmasını teklif eder.
Gagauziya İspolkomu danışêr Gagauziya Halk Topluşun deputatlarına birleşmäk çaarısınnan hem avtonomiyayı hem onun institutlarının korunmasında keskin adımnara.
Gagauziya herzaman barış, dialog hem zakonnuk içindir. Büün biz lääzım her zamandan taa da birleşmiş olalım, sölener danışmada.
