Baba Marta ayın 04-06 günnerindä Kişinevun “Mihail Kogălniceanu” teoretika lițeyindä geçti nemțä hem franțuz dillerindä Respublika olimpiadası, angısının nemțä dili dalında I-ci eri kazandı Gagauziyanın Komrat “Dimitriy Karaçoban” adına teoretika lițeyin 11-ci klasta üürenciykası Ekaterina KİRÄKOVA.
Bu büük başarıya ulaşmaa deyni Ekaterina KİRÄKOVAya yardımcı oldu onun nemțä dilindä pedagogu, Gagauziyanın kıymetli üürediciykası Mariya Vasilyevna SAPUNCU.
Bu yıl nemțä hem franțuz dillerindä Respublika olimpiadasında pay aldılar bütün memlekettän 225 üürenci, angılarının 72-si olimpiadanın ödüllerini kazandılar.
Gagauziyanın Komrat “Dimitriy Karaçoban” adına teoretika lițeyin 11-ci klasta üürenciykası Ekaterina KİRÄKOVAdan kaarä, nemțä hem franțuz dillerindä Respublika olimpiadasında ensedilär Belț, Çimişli, Dubasar, Hınçeşti, Kalaraş, Kaul, Kişinev, Nisporeni, Sıncereni, Soroka, Straşeni, Teleneşti, Ungeni hem Yaloven kasabalarından hem rayonnarından üürencilär.
