1919-cu yılın Hederlez ayın (may) 19-da Büük Mustafa Kemal ATATÜRK, Kurtuluş cengindä askerlän Samsun kasabasına çıkarak, türk miilli savaşma ruhunu ateşledi. Bu günü anmak için Hederlez ayın (may) 19-da Türkiyedä “ATATÜRKü anma Günü” hem “Gençlik hem sport Günü” yortuları kuruldu hem bakılêr.
Hederlez ayın (may) 19-da Türkiye “ATATÜRKü anma Günü” hem “Gençlik hem sport Günü” yortularınnan ilgili kutlama sıraları Gagauziyanın Kongaz Süleyman DEMİREL moldo-türk teoretik liţeyindä hem Komrat ATATÜRK bibliotekasında da düzennendilär.
Kongaz Süleyman DEMİREL moldo-türk teoretik liţeyindä kutlamalarda pay aldılar lițeyin üüredicileri hem üürencileri, Moldova Respublikasında Türkiye Kişinöv Bütün etkili Büükelçisi Uygar Mustafa SERTEL, Türkiye Komrat Başkonsulu Eda GÜÇ, Türkiye Kişinev Büükelçiliin diplomatları hem başka buyur edilän musaafirlär.
Komrat ATATÜRK bibliotekasında düzennenän yortulu sırada, maasuz bu gün için, Türkiye Yunus Emre institutun yardımaınnan geçti bu yortulara adanan uşaklar arasında 20-ci şahmata turnirı.
