2025-ci yılda “Varkey Foundation” Fondu tarafından üüredicilik uurunda kurulan “Global Schools Prize” halklararası premiyasının bu yılkı finalına, 113 memlekettän 3000-nä yakın katılımcılardan ayırılan, dünnedän 50 üüredicilik kuruluşların arasına Gagauziyadan hem Moldova Respublikasından tek üüredicilik kuruluşu olarak, Gagauziyanın Baurçu küüyündän gimnaziya girdi.
Gagauziyanın Baurçu küüyündän gimnaziya 2026-cı yılda prestijlı “Global Schools Prize 2026” premiyasının finalına “Üüredici geliştirmä” kategoriyasında girdi.
Şindi, ikinci basamak olarak, bu 50 finalistlerdän 10 en isleesi ayırılacek da Hederlez ayın (may) içindä London kasabasında dünneyä açıklanacek.
“Global Schools Prize” halklararası premiyasının ödül fondu 1 (bir) milion dolar. “Global Schools Prize 2026” baş enseyicisi kabledecek 500 bin dolar. Kalan 10 regional enseyicilär kabledeceklär 50-şär bin dolar.
Bundan kaarä hepsi bu üüredicilik kuruluşlarına “Dünnä standartlarında şkola” statusu verilecek hem onnar Global şkola aasının gireceklär, ne halklararası işbirliinä, marafetliklän paylaşmaya hem pedagogların ustalık gelişmesinä kolaylıı açacek.
