Ceviz ayın 20-dä Kişinevda olan “Unitatea de diversitate” (“Çeşitliktä birlik”) adlı XXV-ci Respublika Etnofestivalindä fasıl bir iş oldu: gagauzları, sansın Gagauziya (Gagauz Eri) yokmuş gibi, Çadır kasabasının “Birleşik kultura Merkezi” temsil etmää savaştı.
Bu şaşılacek hem fasıl işä razgeldiynän, Etnofestivalä gelän insannar, en azdan – şaşarak, en çok ta – şaşkın kaldılar.
Pek şaşırdêr o iş, ani Etnofestivallerdä diil salt gagauzları, ama çıfıtları da, bulgarları da, çingeneleri dä böldürerlär. Bir taraftan çeşitliktä birlää çaarılêrız, öbür taraftan da ayır-buyur tuzaana düşüleriz.
Halkları onnarın içindän çıkannar hem onnardan olmayan daadêrlar. Siz sa deersiniz “ekmek hem țirk”.
