2026-cı yılın Canvar ayın (oktäbri) 2-dä Valkaneş kasabasının Uşak yaratmak Evindä kutlanıdı Valkaneş kasabasının uşak muzıka şkolasının kurulmasının 65 yıldönümünü.
Şkolanın yıldönümünnän ilgili kutlama sırasına buyur edildilär şkolanın pedagogları hem veterannarı, şkolayı başarannar hem onnarın analar-bobaları.
Önemni yıldönümünnän Valkaneş kasabasının uşak muzıka şkolasını hem onun kolektivını kutladılar Gagauziya kultura Upravleniyasının başı Marina SEMÖNOVA hem Valkaneş rayon administrațiyasının başı İvan KREȚU, Valkaneş kasabasının primariyası hem Valkaneş Sergey Rudenko adına gimnaziyası.
Bu yortulu gündä muzıka şkolasının üüredicileri Elena GERMEK, Dmitriy LİKA, Tatyana TOPORAŞ hem şkolanın vıpusknikleri Pötr TERZİ hem Aleksandr VASİLYEV Gagauziya kultura Upravleniyasının gramotalarını kablettilär.
Başarıldı yıldönümü kutlaması büük bir konțert programasınnan, angısında pay aldılar şkolanın fortepyano, kemençä, fleyta, akkordion bölümnerindä üürenän üürencilär hem onnarın üüredicileri.
O günü kendi muzıka baaşışlarınnan bu yıldönümünä geldilär Çadır, Çeşmä küüyü hem Komrat uşak muzıka şkolalarından muzıkacılar da.
