Canavar ayın 7-dä Türkiye Kişinev Büükelçisi Nazmiye BAŞARAN Moldovanın premyer-ministru yardımcısı hem da dışişleri hem Evropaya integrațiya ministerliin ministrusuna Mihay PAPUŞOYa hem da Moldova korunma ministerliin ministrusuna Anatolie NOSATIYya saygı vizitı yaptı.
Moldova dışişleri hem Evropaya integrațiya ministerliin açıklamasına görä, bu vizit zamanı iki devlet arasında energetika, ekonomika hem alış-veriş uurunda işbirliini hızlandırmaa, Moldovaya investițiyaları çekmää hem moldo-türk dostluunu hem ortaklıını kaavileştirmää soruşları görüşüldü.
Moldova korunma ministerliin açıklamasına görä sa, başka soruşların arasında, Türkiyenin korunmada başarılıını hem bilgilerini esaba alarak, iki devletin arasında korunma industriyasında işbirlii konuları önä sürüldü.
