Türkiye pravitelstvosunun YTB (Yurtdışı Türklär hem Akraba Topluluklar) Başkannıı bütün dünneydän üürencilerä her yılın binnärcä bursa (stipendiya) teklif eder. Türkiyedä üürenmäk isteyän gençleri ayırêr maasuz kurulan komisiya, angısı, studentların memleketlerinä gelip, abiturientlara test yapêr.
Hederlez ayın 28-29 günnerindä komisiya Kişinevda hem Komratta çalıştı.
Komisiya başkanı Zahide ERDOĞAN açıkladı, ani “abiturientlar danışarkana yazêrlar hepsi Universitetları, angılarında isteerlär zanaat kabletmää. Sora, alınan ball sayısına görä, universitetı kazanêrlar. Onnara deyni, 300-1000 dolar arası stipendiyadan kaarä, obşçejitiey hem saalık strahovkası veriler, onnar üürenmäk için ödämeerlär. Hem da Trükiye karşılêêr onnarın bir gidiş-dönüş uçak biletini”.
Türkiyedä üürenmäk isteyennerin çoyu açıkladılar, ani üürenmektän sora ana tarafına dönmää isteerlär.
Harman ayın (avgust) ortasınadan komisiya açıklayacêk Türkiyedä üürenmeyi kazanan abiturientların listesini.
Anaktar sözlär : abiturient, bursa, YTB
