Kongazlı kardaşlar Demyan, Mihail hem İosif KARASENİlär, karar almışlar, katlanıp ta Kongaz küüyün mezarlık sokaanı düzmää.
Kim yaşêêr Kongazda, yada burêy musaafirlää geler, biler, ani küüyün en prost yollardan birisi mezarlık sokaan yoluydu. Bu sokakta Kongazın 1-ci liţeyi da bulunêr. Onuştan o sokak tarafından liţeyin auluna da girmää büük zorluktu. Asfalt sadä kliseyädän yapılıydı. Sorası – taş, kuyu hem bataktı. Şindi iş diişecek.
Nicä bildirdi kardaşların birisi Demyan KARASENİ: “Neettä var yolu mezarlıın köşesinädän yapmaa. Herliim biraz para taa bulursak, yolu mezarlıın tokatlarınadan yapacez”.
Allaa sizä yardımcı olsun!
