Bir ayın içindä Çadır kasabasının uşaklar için oyun ploşçadkaları bilinmeyän barbarlar darmadaan ederlär.
Nicä açıkladı Çadır primariyası geçän Canavar ayın (oktäbri) 19-20 gecesi, kasabanın Günündä açılan eni uşaklar için oyun ploşçadkasını kırıp falamışlar: yok edili oyuncak evin örtüsü, kırık “gorojka” hem merdiven, köklän koparılmış skemnelär.
Birkaç afta geeri bölä barbarlık yapıldı kasabanın büük sokaanda da. Ozaman kırmıştılar körpä fidannarı hem skemneleri. Taa ileri da daadıldıydı uşaklar için oyun ploşçadkası, ani baaşladı Çadıra Türkiyenin İzmit primariyası.
Çadır primariyasının danışmasına görä poliţiya aarêêr barbarları. İnsannar yardım etmärsalar, poliţiya kendi işini yapacek mı acaba?
