Geçän afta Gagauziya Halk Topluşun delegaţiyası Türkiyeyä ofiţial bir vizit yaptı. Delegaţiyada vardılar GHT başı Dimitriy KONSTANTİNOV, deputatlar Georgiy LEYÇU, İvan BURGUCU, İvan TOPAL, Sergey ÇİMPOEŞ, yaşlılar Sovetin başı Vasiliy ARNAUT.
Canavar ayın 23-dä yapılan preskonferenţiyada açıklandı, ani vizit programasına görä buluşmalar olmuşlar Türkiyenin Parlament Başkanı yardımcısınnan, dışişleri hem ekonomika Bakannarın yardımcılarınnan, TİKA öndercilerinnän hem başkalarınnan.
Vizit zamanında konuşuldu Gagauziyaylan ilgili proektlar. Onnarın arasında politikaylan, ekonomikaylan, üürediciliklän, içmä suylan, uşak başçalarınnan ilgili proektlar.
