Kırım ayın (dekabri) 23-dä Komratta kutlanıldı “Gagauziya (Gagauz Yeri) özel hak statusu için” Zakonun kabledilmesinin 21-ci yılı. Yortulu kutlamakta pay aldılar politikacılar, deputatlar, cümne insannarı, Gagauz Respublikasını kurannar.
Yırtulu kutlamalara başlamadaan zalda bulunannar bir minutluk susmaklan andılar dünneyin büük hem talantlı resimcisini Dimitriy İvanaviç SAVASTİNı, ani raametli oldu Kırım ayın (dekabri) 22-dä.
Kutlamakta nasaat ettilär: Gagauziya Başkanı İrina VLAH, Gagauziya Halk Topluşun Başı Dimitri KONSTANTİNOV, Gagauziyanın yaşlılar Sovetinin azası Mihail KENDİGELÄN, Moldova Parlamentın deputatı Födor GAGAUZ, Komrat primarı Sergey ANASTASOV, Moldova Parlamentın eski deputatı Konstantin TAUŞANCI.
Nasaatlardan sora Gagauziyanın veterannarına nagradalar hem ödüllär verildi.
Kutlamaklama toplantının sonunda yortulu bir konţert gösterildi.
Foto – gagauzmedia.md
