Büün saat 10:15-tä Türkiyedä İstanbulun Sultanahmet Meydanında teror olayı oldu: Germaniyadan turist grupasının yanında bir cannı bomba kendisini patlattı. Nicä bildirer Türkiyenin ofiţial organnarı cannı bomba Siriya kökenni, 1988 duuması bir erif.
İlk açıklamalara görä patlamada 10 kişi öldü, 15 kişi da yaralandı. Ölülerin arasında yabancı turistlär hem bir poliţiyacı var. Yaralılar yakındakı bolniţalara kaldırıldılar.
Nicä bildirer Anadolu Ajansı şindi Sultanahmet Meydanı korumaklan sarılı, yollar hem kapalı. Teror erindä araştırmalar sürer.
Bu saatta belli diil ölülerin hem yararıların arasında Moldova vatandaşları var mı.
Foto – www.aa.com.tr
