Gagauziya öndercilerin kararına görä büün Gagauziyanın herbi küüyündä hem kasabasında “Ana Dili” yortusu kutlêêrlar (2009-cu yıladan bu yortu Orak ayın (iyül) 30-da bakılardı).
Kutlamalar mitinglarlan, örüyüşlärlän, yazıcıların anmak taşlarına hem mezarlarına çiçek koymasınnan, peet okumasınnan hem konţertlärlän sıralanacek.
Maasuz yortuya deyni Gagauziyada bu ayın içindä bibliotekalarda hem da üürediciliklän terbiedileci kuruluşlarında Ana Dilinnän ilgili türlü meropriyatiyalar yapıldı: yazıcılarlan hem poetlarlan buluşmaklar, peet yarışması, kiyat hem resim sergileri, kiyatların prezentaţiyaları, literatura master-klas.
Başaralacek “Ana Dili” yortusu meropriyaiyalarlan, ani birdän Komratta, Çadırda hem Valkaneştä saat 14:00 başlayaceklar.
