Türkiye Respublikasında Çiçek ayın (aprel) 23-dä bakılan “Gençlär hem Çocuklar Bayramı” (gençlär hem uşaklar yortusu) sıralarınnan ilgili olarak, Valkaneştän “Gagauzlar” ansamblisi pay aldı bu yortunun kutlamaları Festivalindä, ani geçti Lüleburgaz kasabasında.
“Gagauzlar” ansamblisi gösterdi türk kardaşlarımıza gagauz oyunnarını hem türkülerini. Nicä bildirdi ansamblinin ondercisi hem Valkaneş rayon kultura bölümünün başı Dimitriy NEDOV “ansamblidä 21 kişi vardı hem biz gösterdik oradakı insannara gagauzların gözäl oyunnarını hem türkülerini. Artık 2017-ci yılın festivalinä da bizi çardılar”.
Not.Türkiyenin Lüleburgaz kasabası hem Gagauziyanın Valkaneş kasabaları kardaş kasabalar sayılêrlar.
