Amerika Birleşik Devletleri (ABD) pravitelstvosunun 125 bin dolar yardımınnan, Çadır kasabasının 8-ci uşak başçasının sanitar bloklarınnan ana binanın girişi enilendi hem pandusu yapıldı.
Bu işlerin ofiţial başarılması sebepinnän, Çiçek ayın (aprel) 27-dä Çadıra ABD Kişinev Büükelçisi Jamez D. PETTİT hem ABD Büükelçiliin yanında bulunan asker işbirlii Büronun başı Brendan BARTLET geldilär.
Üüsek musaafirleri uşaklar iki kolaçlan karşladılar.
ABD Kişinev Büükelçisi Jamez D. PETTİT açılış sırasında nasaat edärkan açıkladı, ani Çadırdakı 8-ci uşak başçasının proektı oldu bu uurda irminci proekt, angısını ABD pravitelstvosu Moldovada aslıya çıkarêr.
Ofiţial açılışta üüsek musaafirlerdän kaarä pay aldılar Gagauziya İspolkom predsedatelin yardımcısı Olesä TANASOGLU, Çadır rayonun administraţiya başı Valentin KARA hem Çadır kasabasının primarı Anatoliy TOPAL.
Uşak başçsının direktoru Êlvira ORMANCI şükür etti Büükelçiya Jamez D. PETTİTä bu büük yardım için. Üüsek musaafirlerä deyni sa uşaklar bir konţert gösterdilär.
