Kıpçak küüyün primarı Oleg GARİZAN bildirdi, ani Türkiyenin “Gençlär hem Çocuklar Bayramı”nan ilgili olarak, küüyün kultura Evinin uşak ansamblisi Türkiyedä birkaç kasabada şenniklerdä pay aldı.
O kasabaların arasında Edirne, Kıpçaan kardaş kasabası Ahmetbey, Orhangazi kasabası.
Oleg GARİZAN açıkladı, ani ansamblidä vardı 9-10 yaş arası 20 uşak hem, ani onnar konţertlerdän kaarä, kasabaların muzeylerinnän da tanıştılar.
Uşak ansamblinin öndercisi Alöna ÇERNEVA söledi, ani bu kasabalarınm meydannarında hem amfiteatrularında uşaklar gösterdilär gagauz oyunnarını “Kadınca” hem “Kiraţa havası”.
