Gagauziya gençleri Väçeslav BOYKO hem Dimitriy KUZNEŢOV, angılarına “Vatan hayınnıı” kabaatını yapıştırmaa savaşardılar, Hederlez ayın (may) 6-da serbest brakıldılar.
Onnarın serbest brakılması için ortak baş urdular Gagauziya İspolkomu hem Halk Topluşu. Çiçek ayın 7-dä Gagauziya Halk Topluşu, kendisinin sıradan dışarı toplantısında maasuz bu soruşu inceledi (bak: http://anasozu.com/halk-toplusun-politzakluconniylar-icin-karari/ ).
2014-cü yılda Moldovanın informaţiya Slujbası (eski KGB) birkaç genci kapadı, atıp onnara «подготовке подрывных и антиконституционных действий, способных нанеси ущерб госбезопасности и территориальной целостности страны» kabaatını.
Bu gençlerin ikisi 5-şär yıla kapana kapandı. İkisi da – Väçeslav BOYKO hem Dimitriy KUZNEŢOV – arest altında kapalıydılar. Gençlär kendi kabaatını tanımadılar.
