Gün şıler maavi göktän
Kuşçazlar çalêr,
Çiçeklär türlü renktä
Donaklı durêr.
Çobannar koyunnarı
Sürüya toplêêr,
Çiftçiyi da işlleri
Merada bekler.
Büük yortu geldi bu gün
Bu gün – Hederlez,
İçerlär, gözäl, düzgün
Masalarda bez.
Hederlez yortusunu
Pek sever insan,
Görgilerin gününü
O sayêr çoktan.
Ayoz Görgi yılanı
Ensedi düüştä,
Padişaanın kızını
Kurtardı ondan.
Çok çirkin cezalardan
O diri kaldı,
Hristosun da dinindän
O atılmadı.
Korkmadı o ölümdän
Canını verdi,
İnsana da o göktän
Çok yardım etti.
Koruyêr çiftçileri
Hem çobannarı,
Koruyêr askerlerı
Genç olannarı.
Sabahtan bizim insan
Kliseyä gider,
Dualar da üreektän
Göklerä uçêr.
Çok türlü yaraşmaklar
Bucakta geçer,
Konţertlärlän artistlär
Büük şennik yapêr.
Yortulêêr günü insan
Sofralar taşêr,
Türküdän hem oyundan
Tarafım öter.
Nikolay PEYOGLU, Komrat kasabası
