Moldova primyerministru yardımcısı hem ekonomika ministrusu Oktavän KALMIK (Octavian Calmîc) başkannıı altında Kırım ayın 14-16 günnerindä Türkiyedä bulunêr Moldovanın delegaţiyası, ani pay alêr iki devlet arasında ekonomika işbirlii ilişklerinnän ilgili komisiyasının çalışmasında. Moldova delegaţiyasında var Gagauziya Başkanı İrina VLAH ta.
Kırım ayın 14-dä, iki devlet arasında ekonomika işbirlii ilişklerinnän ilgili komisiyasının çalışması zamanında, Türkiye Respublikasının Prezidentı Recep Tayyip ERDOĞAN kendi rezidenţiyasında buluştu Moldova primyerministru yardımcısı hem ekonomika ministrusu Oktavän KALMIKlan (Octavian Calmîc) – bildirer Türkiye Respublikasının Prezidentın ofiţial saytı (https://www.tccb.gov.tr/haberler/410/66363/cumhurbaskani-erdogan-moldova-basbakan-yardimcisi-calmici-kabul-etti.html). Buluşmada Moldova-Türkiye arasında ilişkilär konuları incelendi.
Gagauziya Başkanın ofiţial saytı gagauzia.md bildirer, ani buluşmada bulundu Gagauziya Başkanı İrina VLAH ta, angısı şükür etti o proektlar için, ani Türkiye tarafından Gagauziyada yapılêr hem annattı o investiţiya proektları için, ani yapılabilir Gagauziyada.
