Geçennerdä, Canavar ayın (oktäbri) 18-dä, Gagauziyada bulundular Türkiyedän 40 bibliotekacı, angıları geldilär tanışmaa buradakı bibliotekaların varlıınnan hem çalışma temelinnän. Bu viziyın programasını hazırladı Gagauziya kultura hem turizma Upravleniyası.
Komrat Pötr DRAGANOV adına Regional bibliotekasında Türkiyedän bibliotekacılara RUS dilindä annattılar bibliotekanın çalışması için hem bibliotekalar temelindä, Evropanın yardımınnan, yapılan proektlar için.
Bilmeeriz, kıskançlıktan mı osa çok görmektän mi, ama Gagauziya kultura hem turizma Upravleniyası yaptı hepsini, ani Türkiyedän bibliotekacılar Komrat ATATÜRK türk bibliotekasına uuramasınnar hem, AMAN-AMAN, görmesinnär o büük yardımnarı, ani Türkiyemiz bu uurunda Gagauziyamıza yapêr.
Türkiyedän bibliotekacılara, Komrat Regional bibliotekasından kaarä, gösterdilär Çadır rayon hem Tomay küüyün bibliotekalarını.
