Kişinevda Küçük ayın (fevral) 24-26 günnerindä Moldovanın büüklerin arasında aar atletika çempionatı geçti, neredä Gagauziyanın aar atletikada Regional şkolasından sportçular medalileri süpürdülär.
Çempionatta Gagauziyanın aar atletikada Regional şkolasından 11 aar atlet (4 kız hem 7 olan) pay aldılar hem onnar may hepsi aarlık kategoriyalarında 4 altın 2 da gümüş medali kazandılar. Kendiniz bakınız:
I-ci er – Elena KILÇIK (81 kg kadar kategoriyasında);
I-ci er – Anastasiya KILÇIK (76 kg kadar kategoriyasında);
I-ci er – Mariya MİTİOGLU (59 kg kadar kategoriyasında);
I-ci er – Aleksandr BALCI (61 kg kadar kategoriyasında);
II-ci er – Diana ÇEBOTARU (55 kg kadar kategoriyasında);
II-ci er – Artue KARA (102 kg kadar kategoriyasında).
Bütün ürektän kutlêêrız atletlerimizi bu büük başarılarlan!
