Baba Marta ayın 27-dä, Türk İşbirlii hem Koordinaţiya Agenstvosu (TİKA) Başkannıın Başkanı Serdar ÇAMın adından, TİKA Kişinev programaların Koordinatoru Selda ÖZDENOĞLU baaşladı “Ana Sözü” gazetasının baş redaktoruna, akademik Todur ZANETä 10 tomnuk “Büük Türkçe Sözlük” takımını.
Süzlüün ana başlıının üstündä yazılı pek gözäl laflar: “Orhon yazılarından günümüze Türkiye türkçesinin söz varlığı”.
Sözlüü 35 yılın içindä hazırlamış türk yazıcısı, aaraştırmacısı, türk dili hem literaturası hem türkçä üüredicisi Yaşar ÇAĞBAYIR.
“Orhon yazılarından günümüze Türkiye türkçesinin söz varlığı “Büük Türkçe Sözlük” tiparlandı 2016-cı yılda Türk İşbirlii hem Koordinaţiya Agenstvosu (TİKA) Başkannıı tarafından.
