Amerika Birleşik Devletlerin (ABD) Las-Vegas kasabasında geçän Dünnä güreş çempionatında Moldova için güreşän kıpçaklı güreşçimiz Aleksandr GAYDARLI 2026-cı yılın Canavar ayın 19-da, 70 kg kategoriyasında, serbest güreştä bu U-23 dünnä çempionatın bronza medalisini kazandı.
Anılmış güreşçimiz Aleksandr GAYDARLI 3-cü er için güreştä ukraynalı güreşçiyi Emrah GASİMOVu 10:0 ensedi. Bu çempionatta bizim güreçşimiz küçük finaladan hem 10:00 ensedi Gruziya, Uzbekistan hem ABD güreçşilerini. Bu kerä o salt tarattı Rusiyadan güreşçiä Magomet-Emi ELTEMİROVa, angısını by yılkı Evropa çempionatında 3:2 enseyip, Moldova için altın medaliyi kazandıydı hem Evropa çempionu olduydu.
Bu Aleksandr GAYDARLInın artık 2-ci bronza medalisi. Birincisini o kazandı bıldır, 2025-ci yılın Canavar ayında Serbiyanın Nove-Sade kasabasında olan serbest güreştä Dünnä Çempionatında.
Lääzım urgulamaa, ani bu çempionata Moldovadan katılan taa iki güreşçi İon MARKU (74 kg.) hem Evgeniy MİHAŞÇAN (86 kg.) kendi kategoriyalarında 5-ci erleri aldılar.
Kutlêêrız Aleksandr GAYDARLIyı hem kutlêêrız onu bu başarıya hazırlayan Rusiyanın kıymetli trenerını Stanislav Födoroviç RAMONOVu.
